Elkargoko Buletina

Hortz-higienistak kontratatzeko zailtasunak

Elkargoak aspalditik antzeman ditu zailtasun horiek, eta, horregatik, higienisten bi prestakuntza-zentrorekin bilerak egin dira: Easo Institutuarekin eta Cesa Centro de Estudios Sanitarios zentroarekin, egoera ulertzeko eta ekintzak baloratzeko.

Prestakuntza amaitu berri duten ikasleei kliniketatik praktiketako kontratuak eskaintzeko aukera dago. Gehienez 2 urteko iraupena duten kontratuak dira, soldataren bilakaera igarotako denboraren araberakoa izango da, eta hobariak izango dituzte Gizarte Segurantzari egindako ekarpenetan. Horrelako kontratuetan interesa dutenei Elkargoaren lan-aholkularitzarekin harremanetan jartzea gomendatzen diegu (Fernando Antúnez, tel. 943440416)

Gutxien ezagutzen den aukera Prestakuntza Dual da. Hainbat aukera daude:
1. Ikasleak lehen ikasturtean 16 eguneko prestakuntza egin ahal izatea klinikan.

2. Ikasleak bigarren ikasturtean, martxotik ekainera, klinikan prestakuntza egiteko aukera.

3. Lehen kurtsoko ekainetik bigarren kurtsoko ekainera sartzeko aukera (berrikuntza bat da), prestakuntzako lehen urtea gainditu ondoren. Prestakuntza dual horrek esan nahi du ikasleak lanaldiaren % 75 klinikako lanean ematen duela, eta % 25 eskolako prestakuntzan.

Prestakuntza dual mota horren ezaugarriak:

• Prestakuntza-zentroaren eta klinikaren arteko lankidetza-hitzarmen baten bidez formalizatzen da.
• Enpresarentzako, ikasleentzako eta prestakuntza-zentrora joateko egutegi eta ordutegirik egokiena adostuko da. Kontuan hartu beharreko zailtasun nagusia: irakaskuntza-ordutegien eta klinikako lan-ordutegien bateragarritasuna.
• Ikaslea Eskolaren bidez aseguratuta dago.
• Martxotik ekainera bitarteko 16 eguneko eta 3 hilabeteko modalitateen kasuan, klinikako prestakuntza-orduak curriculumekoak izango dira, eta, beraz, ez dira ordainduko.
• Urteko dualaren kasuan: prestakuntza- eta ikaskuntza-kontratu bat formalizatzen da; horrek esan nahi du enpresak ordainsaria eta Gizarte Segurantza jasoko dituela, eta klinikarentzat oso onura interesgarriak izango dituela.
• DUAL prestakuntza kontratu/beka modalitatean egin daiteke, ikaslearen egoeraren eta programa hasteko unearen arabera. Modalitate bakoitzak bere espezifikazioak eta pizgarriak ditu enpresarentzat, dirulaguntza edo hobari gisa.

Jarraian, bi zentroekin harremanetan jartzeko datuak jarriko ditugu, informazio gehiago izateko edo zalantzak argitzeko:

Osasun Ikasketen Zentroa: Carol Queiruga (tel. 608 24 39 48/e-mail: cqueiruga@pro.institutocesa.eus)

Easo Institutu Politeknikoa: Alaitz Otaegui (Tel.: 657717661/e-mail: hortzen.higienea@easo.eus)